Býðum nú við...

er virkilega hægt að kæra lið, ef það stillir ekki sínum bestu mönnum í leiki, spyr sá sem ekki veit. Nú veit ég ekki hvaða leikmenn Ferguson ætlar að hafa í byrjunarliðinu, en ég býst alveg við að það séu menn sem hafa komið við sögu að einhverjum hluta í liðinu í vetur.

Liðin í fallhættu kæra ekki United

Spanjólum líkt.

Um áramótin var Bensi spanjó svo pottþéttur á því, að nú loksins gæti hann gert púllarana að enskum meisturum. En svo fór það fyrir bý eins og allir vita, og aumingja spanjólinn hefur ekki náð að festa blund vegn táraflóða  síðan Utd hampaði titlinum í gær, og er þar af leiðandi afskaplega fúll út í Ferguson að hafa stolið titlinum af honum svona á síðustu metrunum, að hann neitar að senda honum hamingjuóskir. En Ferguson er svo nákvæmlega sama um þennan spanjóla, og kippir sér ekkert upp við þetta, ég held meir að segja að hann hlæji bara að þessu öllu saman.

Bensi spanjó sár nú er

því enga dollu fékk hans her

en kampakátur sörinn hlær

og hampar þeim sem endra nær.

Benítez neitar að óska Ferguson til hamingju með titilinn

Hverjir eru beeestiiir..

auðvitað Man. Utd ekki spurning. Til hamingju allir Utd menn.

Manchester United enskur meistari í 18. sinn

Bensi Spanjó

Spanjólinn biðlar til Arsenal að sýna hvað þeir geti.   Er spanjólinn svona andskoti vitlaus, að halda að Arsenal ætli að gefa e.h. eftir í þessum leik, maður spyr sig nú bara að heimsku mansins. Arsenal hefur ekki hingað til sýnt annað en hörku leiki á O.T. og mun eflaust ekki verða lát á því, það þarf engan spanjóla til að biðla um það. Nei Bensi minn, ég held (vona) að þú sjáir á eftir titlinum í þetta sinn. Þetta verður eflaust hörkuleikur, eins og þessara liða er von og vísa, og ætla ég að vona að mínir menn nái nú að landa titlinum á heimavelli á morgun, þá geta þeir farið rólega í síðasta leik, og jafnvel hvílt lykilmenn. Góða helgi.

Benítez biðlar til Arsenal

Mikið og andsk.....

var maður orðinn stressaður, hélt að mínir menn væru að glopra þessu frá sér, og gera þetta erfiðara að dolluni. En þá kom bjargvætturinn Teves inn á og jafnaði leikinn. Wigan var að leika alveg firna vel, og um tíma hélt ég satt best að segja að við værum að tapa þessum leik, það gekk ekkert upp við mark andstæðingana, en svo kom Teves og náði að jafna þetta, og þá fór maður að búast við að mínir menn hlytu að ná að pota öðru marki, sem og varð. En þetta er ekki búið enn, en hef samt ekki trú á öðru en við náum þessu ein stigi sem vantar, úr öðrum hvorum leiknum sem eftir er. En það er ekki spurning að Teves eiga þeir að halda í, og kaupa kappann hið snarasta, því ekki meigum við missa hann til mótherjana.

Man.Utd stigi frá meistaratitlinum

Mín skoðun...

er sú, að það á að setja Chelsea í bann í Evrópukeppni í að m.a.k. 1-2 ár. Leikmenn verða að fara að skilja það, að það er dómarinn sem ræður, hversu fáránlegur sem dómurinn er. En það hefur verið típiskt með Chelsea liðið í gegnum tíðina, að þeir eru alltaf að jagast í dómaranum, hvort heldur er í deild eða Evrópukeppni. Einn dómari hættur út af liðinu, og áhangendum þess vegna morðhótana, og ekki skildi mig undra að norsarinn ætti eftir að fá yfir sig allskonar hótanir. Sá ekki leikinn(en lesið um hann)svo að ég veit ekki hvort dómarinn var hliðhollari öðruhvoru liðinu, en auðvitað gera dómarar mistök, en mörg mistök í sama leiknum, og ég tala ekki um í svona mikilvægum leikjum, ætti að mínu áliti að vera refsiverð, og  setja þá dómara sem vísir eru að því, í einhverja leikja bann í stórleikjum. En að úrslita leiknum er ég sáttari við að fá Barcelona heldur en Chelsea á móti mínum mönnum, verður eflaust miklu skemmtilegri leikur, en ef hitt liði hefði farið í úrlitin.

Övrebo laumað úr landi í lögreglufylgd

Jæja Tóti

nú held ég að það sé kominn tími á að þú hendir kúluni, hún er orðin gerspilt hjá þér. Ef þú hefur horft á leikinn í kvöld, þá hlýturðu að sjá að það er ekkert vit í þessum spádómum hennar, því Arsenal menn sáu ekki til sólar fyrir stórstjörnum Utd í kvöld. En mínir menn voru frábærir, og hefðu hæglega getað skorað fleiri mörk. Það eina sem skygði á þennan leik var rauða spjaldið sem Flecher fékk, sem voru mistök hjá annars ágætum dómara, en svona er boltinn, mannlegur, en ekki vélvænn eins og mikið hefur verið rætt. Ef Utd sýnir sama leik í úrslitunum, þá skiptir engu máli hvort liði það fær, Chelsea eða Barcelona, því það verður erfitt fyrir hvort liðið sem er að eiga við þá í þessum ham.

Mikið og andsk...

vona ég að hann þurfi að éta þetta ofan í sig. Ekki þori ég að spá í þennan leik, en vona náttúrlega að mínir menn fari í úrslitin. Ef svo fer að Utd vinnur þennan leik, ja þá er ég ansi hræddur um að Herra Wenger kenni öðrum um en sér og sínu liði, þar sem hann er sérfræðingur í því.

Wenger: Við munum spila frábærlega og sigra

Það er nú svo...

að þó að helvítis saltið hafi verið notað á götur Akureyrar í stað sands áður, þá er rykið og óþverrinn síst minni en undanfarin ár.

Akureyri: svifryk oft yfir mörkum

Spennandi F-1 sumar.

Þó að ég sé McLaren maður, þá er ég bara nokkuð sáttur við formúluna það sem af er. Nú trjóna þau ekki á toppnum þessi tvö lið, sem hafa gert það undanfarin ár, og þar af leiðandi má búast við mikilli spennu í sumar þar sem nánast hvaða lið sem er getur halað inn stig, sem ekki hefur tíðkast síðustu ár.

Vettel og Webber færa Red Bull tvöfaldan sigur